بقلم الشاعر الزجال هشام منصور (أبو سمير)نحنا عرب صحاب صهوة *** نحنا صحاب جود وأهل نخوة
منا العلم والسيف والخيال *** والنا عالشعوب الأرض زهوة
والنا الحضارة والعلم رأس مال *** كانت عيشة العريان حلوة
شو اللي جرى شو غير الأحوال ***من يوم مستشهد صلاح الدين بغزوة
لمليح صرنا نبدلة ببطال *** ونقلنا الدهر من بلوة عبلوة
كان النا الكرم والأفضال *** صرنا بميت عار وميت خزوة
عقال المشايخ نبدله بشيال *** ولبس العروبة راح بشروة
إرخيصة وإلها ثمن يا رجال *** وصرت تتشوف قنابزنا شهوة
وين المحبة وين هداة البال *** وين الأخوّة وينها الأخوة
صار الأخو يشهر عخو فصال *** ويرفع علي بالمحكمة دعوة
بعلمي إذا خي وقع بإشكال أكون *** حده سند وله ركوة
وكان الولد مثل السبع رئبال *** بدل الأسد يا صاحبي بلبوة
وكان الوفا عنا باعات طوال *** نام الوفا وراحت عليه غفوة
وين الشجاعة وين الإستبسال *** بزنود صلبة أصبحت رخوة
وين الي الألباب والعقال *** ماالهم ذكر وملفهم مطوي
ومحلهم تسيّدوا الأنذال *** صاروا قيادة ونجمهم مضوي
عملو الأجانب عالقمر إنزال *** وعملوا على ظهر النجم ربوة
واحنا بعدنا عاطوش وقتال *** عاغش عاستغلال عا رشوة
ع العلم لازم تسهر الأجيال *** مش على الأرجيلة وعابيرة الرغوة
وعكبارنا نرجع نعلّق الآمال *** ونسمع صحاب الدين والفتوة
ونعود لأمجادنا الأبطال *** لابن سينا ميرحش سهوة
وعباس ابن فرناس اللي قال *** فيّ أطير وكالنسر أخوي
وشعراءنا أهل الحكم والأمثال *** عطاهم ربنا العلم عطوة
التاريخ عنا يا جماعة قال *** العرب أهل النصر والنشوة
بدنا المحبة تعود يا أبطال *** ونرجع لماضينا المجيد نعيد
بالعمل والإيمان وبصحوة
ليست هناك تعليقات:
إرسال تعليق